Alisa oʻzbekcha: qanday yoqish va nima ishlaydi
2025-yil sentyabridan Stansiyalardagi Alisa oʻzbek va rus tillarini tushunadi. Ikki tilli rejimni qanday yoqishni va unda hali nimalar yoʻqligini aytib beramiz.
Nima oʻzgardi
2025-yil 23-sentyabrda Yandex ikki tilli Alisani ishga tushirdi: «Узбекский + Русский» rejimida u qaysi tilda murojaat qilinsa, oʻsha tilda javob beradi. Yandex maʼlumotlariga koʻra, endi har uchinchi javob oʻzbek tilida yangraydi — koʻpincha shu tarzda musiqa qoʻyishadi va shunchaki Alisa bilan suhbatlashishadi.
Qanday yoqish
«Дом с Алисой» ilovasini oching → «Виртуальный помощник» → «Язык ассистента» → Stansiyangizni tanlang → «Узбекский + Русский». Istalgan vaqtda yana rus tiliga qaytarish mumkin.
Qaysi Stansiyalarda ishlaydi
Ikki tilli rejim Stansiya Duo Maksdan tashqari barcha Yandex aqlli kolonkalarida bor: uning asosiy versiyasida faqat rus tili. TV Stansiyalar, televizorlar va Modulda ham oʻzbek tili yoqilmaydi.
Alisa bilan ishlaydigan kolonkalar — 9 ta model →Oʻzbekcha nima ishlaydi
Musiqa, ob-havo, budilnik va taymerlar, ertaklar va aqlli uyni boshqarish. Kundalik hayotda kolonkadan kutiladigan hamma narsa shu.
Oʻzbek rejimida hali nima yoʻq
«Узбекский + Русский» rejimida YandexGPT, video va televizorga HDMI orqali ulanish, yangiliklar, koʻnikmalar, qoʻngʻiroqlar va taksi ishlamaydi — Alisaga ruscha murojaat qilsangiz ham. Agar siz uchun Stansiya Maks orqali televizorda kino koʻrish muhim boʻlsa, rus tili rejimini qoldiring.
Qaysi Stansiyani tanlash kerak
Oshxona va yotoqxona uchun ixcham Stansiya Layt 2 yoki Mini 3 yetadi, xona uchun — Midi, mehmonxona uchun — Stansiya 3. Kolonka avvalo Alisa bilan oʻzbekcha gaplashish uchun kerak boʻlsa, Duo Maks ni olmang. Oʻlcham, tovush va aqlli uy haqida batafsil — «Aqlli kolonkani qanday tanlash kerak» maqolasida.
Aqlli kolonkani qanday tanlash →Rahmat — inobatga olamiz!
Nima tushunarsiz boʻldi yoki nima yetishmadi? Yozing — javob beramiz va matnni tuzatamiz. Telegramda yozish
